Rooth Jane Ki ada...

Rooth jane ki ada hum ko bhi aati hai faraz
Kash hota koi hum ko bhi manane wala.....

Mili saza jo mujhe wo kisi khata pe na thi faraz
Mujh pe jurm jo sabit howa wo wafa ka tha

Kya koi subah nahi apnay muqaddar mein faraz
Raat dhalti hai toh phir raat nikal aati hai.....

yun na kheech...

Yun na kheench apni taraf mujhe yun bebas karke..
Ke khudse bhi bichhar jaau aur tu bhi na mile..

Sazaa yeh hai ki aankho se chheen li hai usne ninde..
Khataa yeh thi k uske saath jeene k khwaab dekhe the..

 

chalo mana k hame pyaar ka izhaar karna nahi aata....
naadan toh tum b nahi k jazbaat samaj na sako....

Tumhare Shehar ka mausam...

""Tumhare shehar kaa mausam bada suhaanaa lagey

Mein ek shaam churaa loon agar bura na lagey

Tumhare bas mein agar ho to bhool jao hamein.

Tumhein bhoolane mein shaayad mujhe zamaanaa lage."""

Taarasha usne mujhe sheeshay ke wajood se..

Kis qadar anjan hai yeh silsila-e-ishq bhi,
Mohabbat to qaayem rehti hai magar insaan toot jate hain...!!!

 

Pehle Tarasha UsNe Mera Wajood Sheeshay Se ~FARAZ~
Phir Zamane Bhar K Hathon Main Pathar Thama Diye !!!

humari qadar hogi unko tanhayio mein faraz...
abhi to bohot log hai unke ird gird dil lagi ke liye...!!!

 

 

 

Woh Shakhs....

Woh Shaks Bhala Mera Kitna Saath Nibhayega~FARAZ~
Mosam Ki Tarah Jis ne Seekha Hai Badal Jana..!!!

 

 

Akele To Hum Pehle Bhi Jee Rahe Thae ~FARAZ~
Kyun   Tanha Se Ho Gaye Hai Tere Jane Ke Baad...!!!!

 

 Tujhe bhool jane ki koshishein kabhi kamyab na ho sakhi... FARAZ
teri yaad shakh e gulab hai jo hawa chali to mehak gayi....!!!!

 

 

 

 

Ab ke hum bichre to shayad kabhi khwabon me milein,

Ab ke hum bichre to shayad kabhi khwabon me milein,
Jis tarah sookhe hue phool kitaabon me milein

Dhoond ujjre hue logon me wafa ke moti,
Ye khazane tujhe mumkin hain kharabon me milein

Tu khuda hai na mera ishq farishton jaisa,
Dono insaan hain to kyun itne hizaabon me milein

Gam E Duniya bhi Gam E yaar me Shamil kar lo,
Nasha badhta hai sharabein jo sharabon me milein

Ab na wo mai hoon Na tu hai Na wo majhi hai " Faraz "
Jaise do shaksh tammana ke saraabo me milein.......

-Ahmad Faraz

Kisi Se Kya gila karna !!!!

Kisi se kya Gila karna  iss jahan mein FARAZ
Shayad Hum Hi yaad ke kabil na rahe ...!!!!



Ye Din Bhi Qayamat Ki Tarah Guzra Hai "FARAZ"
Janey Kya Baat Thi Har Baat Pe Rona Aaya...!!!



Bohat ajeeb hain yeh bandishen Muhabbat ki FARAZ
Na uss ne qaid mein rakha na hum farar huye...!!

Uss Shakhs Se faqat itna talluqh hai !!!!

Uss  Shakhs  Se faqat itna talluqh hai FARAZ

Woh pareshan hote hain toh neend nahi aati..!!!

 

 

Saaya hun toh saath na rehne ki wajah kya hai FARAZ

patthar hun raastein ka toh hata kyun nahi dete...!!!!

Ab toh khwabon ke manzar se palat aati hai rooh FARAZ

Ek din yeh bhool jaegi badan ka raasta bhi !!!!

Guzre hain hum bhi uss mushkil mukaam se....

Guzre hain hum bhi uss mushkil mukaam se,
Duniya pukarti hai jise mohabbat ke naam se...



manzar-e-ishq dekhna hai toh sahil ko dekh faraz..
jiski lehre jaati hain milne samndar ko baar baar...




Nikaal De Faraz Dil Say Khayal Uss Ka..
Yadein Kisi Ki Taqder Badla Nahi Kartii!!

Ghar Bana ke mere Dil mein...

Ghar bana kar mere Dil mein woh chod gaye FARAZ
na khud rehte hain na kisi aur ko rehne dete hain...


Tum par beetegi to tum bhi jaan jaoge FARAZ..!!
Koi nazarandaaz kare to kitna dard hota hai...!!


door hota to usse dhoond bhi lete FARAZ...!!
rooh mein chup kar baitha hai use payen kaise....!!!

Mere Lafzon ki pehchaan..

Mere lafzon ki pehchan agar wo ker leta usey mujh se nahi,khud se hi muhabbat ho jati !!!

log padh lete hain annkhon se dil ki haalat,ab mujhse teri mohabbat ki hifazat nahi hoti !!!

Har roz dil udaas hota hai aur shaam guzar jaati hai "faraz"..
ek roz shaam udas hogi aur hum guzar jaaynge... !!!

kitna sach hai inn baaton mein !!!!

Mohabbat ke baad mohabbat mumkin hai faraz Magar Toot Ke Chahna Sirf Ek barr hota hai.. !!!!   


Woh mile toh thae hume ek lamhe ke liye faraz,sari umr lag jaegi bhulane mein...!!!!

Ab neend se kaho hum se sulah karle faraz woh Rooth gaye jinke Liye hum jaga karte thae...!!!!